काटा रुते कुणाला

काटा रुते कुणाला, आक्रंदतात कोणी

मज फुल ही रुतावे हा दैवयोग आहे

सांगू कशी कुणाला कळ आतल्या जीवाची

चीरदाह वेदनेचा मज शाप हाच आहे

काही करु पहातो, रुजतो अनर्थ तेथे

माझे अबोलणे ही विपरीत होत आहे

हा स्नेहवंचना की काहीच आकळेना

आयुष्य ओघळोनी मी रिक्तहस्त आहे

-----

गीत: शांता शेळके; गायक: जितेंद्र अभिषेकी

फुलानी रूसवे अशी कोमला तू (phulani rusave ashi komala tu)

फुलानी रूसवे अशी कोमला तू
चित्रपट: क्षण (२००७)
गायक: स्वप्निल बांदोडकर
संगीत: किशोर रानडे
गीतकार: नितीन आखवे
------------------------------------------------------------------------
(गद्य) ही तर फक्त तुझ्या आणि माझ्या क्षणांची कहाणी
तुझ्या माझ्यातले क्षण .. तीच तर आयुष्याची सुखद साठवण...

फुलानी रूसावे अशी कोमला तू
फुलानी रूसावे अशी कोमला तू
सलानी फुलावे अशी प्रेमला तू
फुलानी रूसावे अशी कोमला तू
फुलानी रूसावे अशी कोमला तू

(गद्य) तू... तुझं रूप... तुझं वागणं... खरं तर तुझं सर्वकाही विलक्षण...
पण माझ्या आयुष्यासाठी तू असु नयेस... फक्त आठवण...

तुझा मखमली स्पर्श वार्‍यास होतो
तुझा मखमली स्पर्श वार्‍यास होतो
वाहने विसरतो... तो धुंद होतो...
कसा त्या कळावा तुझा गोड कावा
कोणीही फसावे अशी मृगजळा तू

फुलानी रूसावे अशी कोमला तू
फुलानी रूसावे अशी कोमला तू

असे रूप लपवू नको फार आता
असे रूप लपवू नको फार आता
खुळा जाहला केशसंभार आता
मला गुन्तुदे त्यात भ्रमरा परी गे
कितीदा पीऊ अक्षयी मध फुला तू

फुलानी रूसावे अशी कोमला तू
फुलानी रूसावे अशी कोमला तू
सलानी फुलावे अशी प्रेमला तू
फुलानी रूसावे अशी कोमला तू
फुलानी रूसावे अशी कोमला तू

ती परी अस्मानीची

ती परी अस्मानीची
मूळ गायक: प्रशांत दामले
नाटक: एका लग्नाची गोष्ट

--------------------------------------------------------------------------

ती परी अस्मानीची  ... ती परी अस्मानीची
ती परी अस्मानीची  ... ती परी अस्मानीची

डोळे तिचे सळसळती माशांची जोडी
ओठ तिचे संत्र्यांच्या रसरसत्या फोडी
गालावरं थरथरते साय दुधाची
अंगावरं चव झरते गोड मधाची

ती परी अस्मानीची  ... ती परी अस्मानीची
ती परी अस्मानीची  ... ती परी अस्मानीची

ती बघते तेंव्हा हृदयात धडधड होते
हसते तेंव्हा भवतीचे सारे भिरभिरते
वळते तेंव्हा बगळ्यान्च्या उडती शुभ्र माळा
सप्तरंगी इंद्रधनू येतसे आभाळा

ती परी अस्मानीची  ... ती परी अस्मानीची
ती परी अस्मानीची  ... ती परी अस्मानीची

मला सांगा सुखं म्हणजे नक्की काय असतं

मूळ गायक: प्रशांत दामले
नाटक: एका लग्नाची गोष्ट

---------------------------------------------------------------------

मला सांगा सुखं म्हणजे नक्की काय असतं
मला सांगा सुखं म्हणजे नक्की काय असतं
काय पुण्य असलं की ते घर बसल्या मिळतं

दान घेताना ही झोळी हवी रिकामी
भरता भरता थोडी पुन्हा वाढलेली

आपण फक्त घेताना लाजायचं नसतं

मला सांगा सुखं म्हणजे नक्की काय असतं
मला सांगा सुखं म्हणजे नक्की काय असतं
काय पुण्य असलं की ते घर बसल्या मिळतं

देव देतो तेंव्हा छप्पर फाडून देतो
हवय नको ते म्हणणं प्रश्नचं नसतो

आपण फक्त दोन्ही हात भरून घायचं नुसतं

मला सांगा सुखं म्हणजे नक्की काय असतं
मला सांगा सुखं म्हणजे नक्की काय असतं
काय पुण्य असलं की ते घर बसल्या मिळतं

मला सांगा...

खरं सांगा सुखं म्हणजे नक्की काय असतं (sad version)

मूळ गायक: प्रशांत दामले
नाटक: एका लग्नाची गोष्ट

---------------------------------------------------------------------

खरं सांगा सुखं म्हणजे नक्की काय असतं || २ ||
मिळालेलं वाटेस्तोवर ... हातात काही नसतं || २ ||

सुखं म्हणजे दुख्खाचा उरलेला गंध
रडता रडता हसण्याचा ... आवडता छंद

मनं पाखरू हे जगण्यासाठी आसुसलेलं असतं

खरं सांगा सुखं म्हणजे नक्की काय असतं
मिळालेलं वाटेस्तोवर ... हातात काही नसतं
मिळालेलं वाटेस्तोवर ... हातात काही नसतं

सुखं म्हणजे मृगजळ, सुखं म्हणजे पारा,
सुखं म्हणजे शब्द बापुडा ... केवळं वारा

कुठल्या क्षणी .. मुठटी मधुनी निसटून जातं असतं

खरं सांगा सुखं म्हणजे नक्की काय असतं
मिळालेलं वाटेस्तोवर ... हातात काही नसतं
मिळालेलं वाटेस्तोवर ... हातात काही नसतं


टिप: या गाण्याचा दुसरा (सुखद) भाग 'मला सांगा .. सुखं म्हणजे नक्की काय असतं' मी पुढच्या ब्लॉग पोस्ट मधे प्रस्तुत करेन.

कधी तू... (मुंबई-पुणे-मुंबई)

कधी तू... रिमझिम झरणारी बरसात...
कधी तू... चमचम करणारी चांदण्यात...
कधी तू... कोसळत्या धारा ... थैमान वारा.. बिजलीची नक्षी अम्बरा
सळसळत्या लाटा... भिजलेल्या वाटा ... चिंब पावसाची ओली रात...

कधी तू... रिमझिम झरणारी बरसात...
कधी तू... चमचम करणारी चांदण्यात...

कधी तू ... अंग अंग मोहरणारे .. आसमन्त दरवळणारी रातराणी वेड्या जंगलात
कधी तू... अंग अंग मोहरणारे .. आसमन्त दरवळणारी रातराणी वेड्या जंगलात
कधी तू... हिरव्या चाफ्याच्या पाकळ्यात..

कधी तू... रिमझिम झरणारी बरसात...
कधी तू... कोसळत्या धारा... थैमान वारा.. बिजलीची नक्षी अम्बरा

सळसळत्या लाटा... भिजलेल्या वाटा ... चिंब पावसाची ओली रात...

कधी तू... रिमझिम झरणारी बरसात...
कधी तू... चमचम करणारी चांदण्यात...

जरी तू.. कळले तरी ना कळणारे... दिसले तरी ना दिसणारे... विरणारे मृगजळ एक क्षणात..
जरी तू.. कळले तरी ना कळणारे... दिसले तरी ना दिसणारे... विरणारे मृगजळ एक क्षणात..
तरी तू.. मिट्लेल्या माझ्या पापण्यात


कधी तू... रिमझिम झरणारी बरसात...
कधी तू... कोसळत्या धारा ... थैमान वारा.. बिजलीची नक्षी अम्बरा
सळसळत्या लाटा... भिजलेल्या वाटा ... चिंब पावसाची ओली रात...

कधी तू... रिमझिम झरणारी बरसात...
कधी तू... चमचम करणारी चांदण्यात...

Bij ankure ankure - a title song of Gotya (an old marathi serial)

गीतः मधुकर आरकडे.
संगीतः अशोक पत्की, सुरेश कुमार.
गायकः अरूण इंगळे.
दूरदर्शन मालिका: गोट्या.


बीज अंकुरे अंकुरे, ओल्या मातीच्या कुशीत,
कसे रुजावे बियाणे, माळरानी खडकात? ||धॄ||

बीजा हवी निगराणी, हवी मायेची पाखर,
लख्ख प्रकाश निर्मळ, त्यात कष्टाचा पाझर,
हवी अंधारत्या  रात्री, चंद्रकिरणांची साथ,
कसे रुजावे बियाणे, माळरानी खडकात ||१||

अंकुराचे होता रोप, होई रोपट्याचे झाड,
मुळ्या रोवुन रानात, उभे राहील हे खोड,
निळ्या आभाळाच्या खाली, प्रकाशाचे गीत गात,
कसे रुजावे बियाणे, माळरानी खडकात ||२||

नाही झाला महावृक्ष, जरी नसे कल्पतरु,
फुलाफळांचा त्यावरी, नाही आला रे बहरु,
क्षणभरी विसावेल वाटसरु सावलीत,
कसे रुजावे बियाणे, माळरानी खडकात ||३||

@ हेमलता: गाण्याच्या शब्दांची दुरुस्ती केल्याबद्दल धन्यवाद.